Müdafiə Sənayesi Nazirliyinin nümayəndə heyəti “Vietnam Defence Expo 2024” sərgisində iştirak edir
- setm63
- 19 дек. 2024 г.
- 1 мин. чтения
Dekabrın 19-da Vyetnamın Hanoy şəhərində “Vietnam Defence Expo 2024” 2-ci Beynəlxalq Müdafiə Sərgisi işə başlayıb.
Tədbirin rəsmi açılış mərasimində Müdafiə Sənayesi Nazirliyinin (MSN) nümayəndə heyəti iştirak edib.
Vyetnamın Milli Müdafiə Nazirliyinin təşkilatçılığı ilə iki ildən bir keçirilən sərgidə silah, döyüş sursatları, hərbi hava və hava hücumundan müdafiə vasitələri, hərbi gəmilərin sistem və avadanlıqları, pilotsuz uçuş aparatları, helikopterlər, rabitə, naviqasiya sistemləri, zirehli nəqliyyat, kəşfiyyat və radioelektron mübarizə vasitələri və s. nümayiş etdirilir.
Tədbir dekabrın 22-də başa çatacaq.