SETM-in rəhbərliyi Ukraynada keçirilən konfransa qoşulub

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin əməkdaşları – Geoekologiya şöbəsinin müdiri, Strateji Elmi Tədqiqatlar Mərkəzinin (SETM) direktoru fizika-riyaziyyat üzrə fəlsəfə doktoru Samir Süleymanov, RSXM-in Kompleks tədqiqatların elmi araşdırılması şöbəsinin baş elmi işçisi fizika-riyaziyyat elmləri doktoru, professor Azad Bayramov və RSXM-in baş direktorunun İnnovativ layihələr üzrə müavini, SETM-in strateji layihələr üzrə elmi məsləhətçisi Əməkdar mühəndis Fətəli Abdullayev 21-23 noyabr 2024-cü ildə Ukraynanın Xarkov şəhərində keçirilən “Problems of information” XII Beynəlxalq elmi-texniki konfransında onlayn iştirak ediblər.

Onlar süni intellektin müxtəlif robotik texniki sistemlərdə tətbiqinə həsr olunmuş 3 məruzə ilə “Automated unmanned shooting evaluation robotic complex”, “Artillery fire control system using UAV” və “Development of an unmanned radon emission control station” mövzularında məruzə ilə çıxış ediblər. 

Konfrans Azərbaycan Respublikasının Milli Müdafiə Universiteti (Bakı), Xarkov Politexnik İnstitutu, Xarkov Milli Radio Elektronika Universiteti, Ukraynanın Milli Aerokosmik Universiteti, Xarkov Aviasiya İnstitutu və Texnologiya və Humanitar Elmlər Universitetinin (Bielsko-Biala, Polşa) birgə təşkilatçılığı ilə baş tutub.