Strateji Elmi Tədqiqatlar Mərkəzinin dəstəyi ilə hazırlanan “Zəngəzur” PUA-sı “ADEX-2024” sərgisində nümayiş etdirilib

Strateji Elmi Tədqiqatlar Mərkəzinin (SETM) dəstəyi ilə Bakı Mühəndislik Universitetinin tələbələri və ekspertləri tərəfindən hazırlanan “Zəngəzur” pilotsuz uçuş aparatı “ADEX-2024” Azərbaycan Beynəlxalq Müdafiə Sərgisində ilk dəfə nümayiş etdirilib.

PUA-nın hazırlanmasında SETM-in strateji layihələr üzrə elmi məsləhətçisi Əməkdar mühəndis Fətəli Abdullayevin və Strateji Elmi Tədqiqatlar Mərkəzinin direktoru fizika üzrə fəlsəfə doktoru Samir Süleymanovun böyük dəstəyi olub.

“Zəngəzur” PUA-sı VTOL radioekoloji monitorinq üçün nəzərdə tutulub. İşğaldan azad olunan ərazilərimiz minalardan təmizləndikdən sonra torpaqda qalan radiasiyanın aradan qaldırılmasında PUA-nın istifadəsi vaxta əhəmiyyətli dərəcədə qənaət edir. PUA-nın təkmilləşdirilərək döyüş zamanı istifadəsi də nəzərdə tutulub.

Qeyd edək ki, “Zəngəzur” pilotsuz uçuş aparatını hazırlayan komanda “ADEX-2024”ün sertifikatına layiq görülüb.