AMEA ilə TUSAŞ (“Türk Havacılık ve Uzay Sanayii” AŞ) arasında “AMEA-nın nəzdində, xüsusilə AMEA-nın Strateji Elmi Tədqiqatlar Mərkəzində (SETM) həyata keçirilən akademik proqramlarla müdafiə və aviasiya sahələrində qarşılıqlı əməkdaşlığın təsis edilməsi, təcrübələrin paylaşılması və eyni zamanda araşdırma-təkmilləşdirmə işlərinin sürətləndirilməsi istiqamətində əməkdaşlığa dair” Protokolun imzalanması mərasimi keçirilmişdir.

SETM-in rəhbəri, siyasi elmlər üzrə elmlər doktoru Fətəli Abdullayevin (hazırda AMEA nəzdində Respublika Seysmoloji Xidmət Mərkəzinin Baş direktorunun İnnovativ layihələr üzrə müavinidir) də iştirak etdiyi tədbir zamanı SETM-də həyata keçirilən hazırda olduqca aktual olan strateji əhəmiyyətli hərbi, müdafiə və mülki xarakterli innovativ layihələrlə bağlı müzakirələr aparılmış və bir sıra təkliflər irəli sürülmüşdür.